Янка Купала

Янка Купала

Янка Купала (сапр.: Іван Дамінікавіч Луцэвіч, 1882–1942) – беларускі паэт, драматург, публіцыст, перакладчык, класік беларускай літаратуры, адзін з заснавальнікаў новай беларускай літаратуры і літаратурнай мовы.

• А хто там ідзе, а хто там ідзе
  У агромністай такой грамадзе?
  – Беларусы.
  
  (...)
  
  А хто гэта іх, не адзін мільён,
  Крыўду несьць наўчыў, разбудзіў іх сон?
  – Бяда, гора.
  
  А чаго ж, чаго захацелась ім,
  Пагарджаным век, ім, сьляпым, глухім?
  – Людзьмі звацца.
  • Крыніца: верш А хто там ідзе?, 1905–1907

• Ты прыйшла ка мне тады,
  Як зьвінелі халады,
  Як стагнаў яловы плот,
  Хохлік бегаў ля варот.
  
  I сагрэла ты мяне
  Ў палуцьме, у палусьне;
  Паня ты была, я – пан...
  • Крыніца: верш Даўгажданая, 1909

• Будзь сьмелым!.. Магутна ярмо друзгачы!
  Ідзі сам наперад, другіх ведучы!
  • Крыніца: верш Будзь сьмелым!.., 1913