Мікіта Зносак

Мікіта Зносак — галоўны герой твора «Тутэйшыя» Янкі Купалы ўзростам ад 25 да 28 гадоў, калежскі рэгістратар, жыхар Мінска.

Выказванні Мікіты Зноска

Хто мне лепей плаціць, таму і служу і кіхаць хачу на ўсякія ідэі.

— Васючэнка П. Драматычная спадчына Янкі Купалы: Вопыт сучас. прачытання. — Мн.: Навука і тэхніка, 1994. — С. 158.

Мы цвёрда стаялі на варце святога расійскага самаўладзтва і баранілі тутэйшую рускую народнасць ад «інародчаскага засілля».

— Васючэнка П. Драматычная спадчына Янкі Купалы: Вопыт сучас. прачытання. — Мн.: Навука і тэхніка, 1994. — С. 158.

Мітынг, мусье профэсар, меджду протчым, гэта нешта такое, што выдумалі ангельцы для тых, якія нічога не хочуць рабіць, а толькі ходзяць і варон страляюць. Мітынг, меджду протчым, гэта тое самае, што пераліванне з пустога ў парожняе. Мітынг — гэта тое з вушамі таварыства, дзе араторыць буду я, а слухаць будуць яны, і крычаць будуць: віват, рэгістратар Зносілов! — калі іх па шэрсці пагладжу, і — далоў, рэгістратар Зносілов! — калі пагладжу іх проці шэрсці, меджду протчым.

— Васючэнка П. Драматычная спадчына Янкі Купалы: Вопыт сучас. прачытання. — Мн.: Навука і тэхніка, 1994. — С. 159.

Меджду протчым, не забывайце, пане беларус, што я найздальнейшы вучань акадэмікаў Скрынчанкі і Саланевіча. Апрача таго, нас бацька Пурышкевіч, быўшы ў Менску тут, замеціў і, ад’язджаючы, на гэтую місію багаславіў.

— Васючэнка П. Драматычная спадчына Янкі Купалы: Вопыт сучас. прачытання. — Мн.: Навука і тэхніка, 1994. — С. 159—160.

Выбачайце, я не таварыш, а, меджду протчым, буржуаз, а як вам хіба вядома — буржуазія нічым не жэртвуе.

— Гайдалёнак Таццяна. Вяртанне: П’еса Янкі Купалы “Тутэйшыя”. Тэма, герой, жанр // Роднае слова. — 1998. — № 10 (130). — С. 67.

Эх каб я быў, меджду протчым, царом, завёў бы я ад Азіі да Аўстраліі, ад Афрыкі да Амэрыкі, ад Смаленска да Бэрліна адзін непадзельны рускі язык і жыў бы сабе прыпяваючы.

Выказванні пра Мікіту Зноска

	Мае паночкі, мае галубочкі!.. Хаця не змікіцьце майго Мікіткі. Хаця не змікіцьце!
	— Гануля, маці Мікіты

— Васючэнка П. Драматычная спадчына Янкі Купалы: Вопыт сучас. прачытання. — Мн.: Навука і тэхніка, 1994. — С. 156.

	Усё віна ў тым, што мой Мікітка вучыўся, але, мабыць, — не давучыўся, і выйшла з яго ні богу свечка, ні чорту качарга.
	— Гануля, маці Мікіты

— Васючэнка П. Драматычная спадчына Янкі Купалы: Вопыт сучас. прачытання. — Мн.: Навука і тэхніка, 1994. — С. 159.

	Мікіта Зносак — не злачынец, не здрайца, не рэнегат, не антыгерой, якім яго спрабуе выставіць Янка Здольнік. Ён — тутэйшы недавук, якога адукоўвалі тутэйшыя самаробныя настаўнікі, Пурышкевіч ды Саланевіч, гер Спічыні, Усходні ды Заходні вучоныя, дый сам Янка Здольнік руку прыклаў да адукацыі гэтага героя.
	— літаратуразнавец Пятро Васючэнка

— Васючэнка Пятро. Формулы літаратуры // Роднае слова. — 2009. — № 2 (254). — С. 82.

	Бяда Мікіты ў тым, што на пачатку жыццёвага шляху яму не трапіўся сапраўдны настаўнік. Менавіта такіх людзей не хапала на Беларусі.
	— Таццяна Гайдалёнак

— Гайдалёнак Таццяна. Вяртанне: П’еса Янкі Купалы “Тутэйшыя”. Тэма, герой, жанр // Роднае слова. — 1998. — № 10 (130). — С. 67.

	Лепей быць добрым пастухом, чымся недапечаным рэгістратарам ці аратарам.
	— Янка Здольнік

— Гайдалёнак Таццяна. Вяртанне: П’еса Янкі Купалы “Тутэйшыя”. Тэма, герой, жанр // Роднае слова. — 1998. — № 10 (130). — С. 67.

	Мікіта Зносак — „тутэйшы“, і ў кожным беларусе жыве свой Зносак.
	— Віктар Гудзіновіч