Беларусь

Беларусь у Еўропе.

Беларусь — славянская дзяржава ва Ўсходняй Эўропе.

Выказванні пра Беларусь

	Вораг польскі і рускі Шчыра множыў курганы, — Не было Беларусі, Толькі быў “Край забраны”.
	— Янка Купала, 1928

Карацей кажучы, “абвастрэньне расейска-беларускіх адносінаў”, нечаканае для цэлай кучы журналістаў, камэнтатараў і палітолягаў, нічога новага ў сабе не заключае. “Усё ідзе па пляну”. Адбываецца тое, што і павінна было рана ці позна адбыцца: апэтыты пуцінскай імпэрыі, якая мацнее, узмацняюцца падчас прыёму ежы, адных чачэнцаў ёй ужо мала, яна цяпер разяўляе сваю сьмярдзючую пашчу і на Беларусь. Спадчыньнікі апрычніны Івана Жахлівага зноў рыхтуюцца рэзаць, страляць і паліць спадчыньнікаў Міндоўга, Гедзіміна, Вітаўта і створанага імі Вялікага Княства Літоўскага — адной з самых цывілізаваных эўрапейскіх дзяржаваў свайго часу, якое прыняло трэцюю па ліку канстытуцыю ў сваёй гісторыі [Статуты Вялікага Княства] якраз у часы маскоўскай апрычніны... Хто наступны на гэтым крывавым баляваньні?

— Барыс Стамахін, 2002

	Тысяча гадоў беларускай дзяржаўнасьці — гэта тысяча гадоў беларускай культуры і тысяча гадоў ваенных змаганьняў. Але сярод гэтых змаганьняў ёсьць адна пэрманэнтная вайна, што не спыняецца ніколі — гэта цывілізацыйная вайна з Расеяй.
	— Зянон Пазьняк, 2004

Беларусь — гэта ты, Беларусь — гэта я, Нашы прашчуры дзеці, сябры і сям’я, ды нашчадкі народа, што будзе тут жыць, каб свабоду краіны сваёй бараніць! Беларусь — гэта родны і бачны абсяг, гэта рыцарскі герб, гэта вольнасці сцяг, Беларусь гэта веліч геройскіх падзей, гэта стойкасць і вартасць, ды годнасць людзей! Беларусь — гэта вера, надзея, любоў, тут ахвяры і слёзы, пакуты і кроў, тут каханне і шчасце, ды воля Нябёс, нам прызначаны шлях, свая доля і лёс! Беларусь — гэта гонар за даўні народ, за айчыну сваю, наш праслаўлены род, Беларусь ёсць малітвай, дзе крыж і псалмы, Беларусь — гэта ты, гэта я, гэта МЫ!

— Віктар Сазонаў

— Віктар Сазонаў. Закон Нябёс // Літаратурная Беларусь. — 2023. — № 11 (207). — С. 8.