Пагоня

З пляцоўкі Wikiquote
Перайсці да навігацыі Перайсці да пошуку
«Пагоня».

«Паго́ня» — герб Вялікага Княства Літоўскага, які атрымаў статус дзяржаўнага ў час княжання Вітаўта Вялікага. Традыцыйны нацыянальны герб беларусаў. Дзяржаўны герб Беларускай Народнай Рэспублікі (1918—1919) і Рэспублікі Беларусь (1991—1995). Варыянт «Пагоні» («Віціс») з'яўляецца дзяржаўным гербам Літвы.

Цытаты[правіць]

  •  

Пагоні сілы баявыя,
І вы рыхтуйцеся ў паход,
Каб знішчыў путы векавыя
Наш заняволены народ.

Глядзіце ў будучыню смела!
Настаў доўгачаканы час,
Пад сцягам бел-чырвона-белым
Чакае перамога нас…[1]

  Максім Танк
  •  

Цікава адзначыць, што беларусы ўважалі сваім дзяржаўным сьцягам той, што і летувісы, г. зн. белую Пагоню на чырвоным полі, але нацыянальнага сьцяга не было. Мне давялося зрабіць некалькі праектаў нацыянальнага сьцяга, і адзін зь іх быў прыняты, менавіта: бела-чырвона-белы. Ад таго часу гэты сьцяг і лічыцца за беларускі нацыянальны сьцяг[2].

  Клаўдзій Дуж-Душэўскі
  •  

Актыўныя аружжаносцы беларускай контррэвалюцыі ў літаратуры, сьпявакі беларускай «Пагоні» — сымбалю беларускай буржуазнай дзяржаўнасьці, рэакцыйныя пісакі, паборнікі рэакцый і папоўшчыны — актыўныя ворагі Совецкай Беларусі[3]. — Пра Арсенневу, Бартуля, Ільяшэвіча і Машару (1932)

  Алесь Салагуб
  •  

Герб Белай Русі здаўна быў белы коннік у чырвоным полі, які трымае шаблю перад сабой.[4]

 

Гербъ Бѣлыя Руси издревле былъ всадникъ бѣлый въ красномъ полѣ саблю имѣющій предъ собою.

  — Васілі Тацішчаў

Гл. таксама[правіць]

Зноскі

  1. Максім Танк, "Ты чуеш, брат", 13.02.1930
  2. Слуцкі збройны чын 1920 г. у дакумэнтах і ўспамінах / Укл. А. Гесь, У. Ляхоўскі, Ул. Міхнюк. Мінск, 2001. С. 272.
  3. Салагуб А. Літаратурны фронт Заходняй Беларусі // ЛіМ, 26 лютага 1932.
  4. Василий Татищев. История Российская. Часть 1. (2017). М.: АСТ.

Спасылкі[правіць]